കണ്ണൂര് തോട്ടടയില് കല്യാണ പാര്ട്ടിക്കിടെ സ്ഫോടനത്തില് ഒരാള് കൊല്ലപ്പെട്ട സംഭവത്തില് ബോംബെറിഞ്ഞ ആളെ പൊലീസ് തിരിച്ചറിഞ്ഞു.
ഒളിവിലുള്ള ഏച്ചൂര് സ്വദേശി മിഥുന് വേണ്ടി പൊലീസ് തിരച്ചില് തുടങ്ങി. പിടിയിലായ മറ്റുപ്രതികളുടെയും നാട്ടുകാരുടെ മൊഴിയുടെ അടിസ്ഥാനത്തിലാണ് ബോംബെറിഞ്ഞത് മിഥുനാണെന്ന് പൊലീസിന് വ്യക്തമായത്.
സംഭവത്തില് ബോംബുണ്ടാക്കിയ ആളുള്പ്പെടെ നാലുപേര് പൊലീസ് പിടിയിലായി. സി കെ റുജുല്, സനീഷ്, പി അക്ഷയ്, ജിജില് എന്നിവരെ പൊലീസ് കസ്റ്റഡിയില് എടുത്തു. കൊല്ലപ്പെട്ട ജിഷ്ണുവിനും അക്ഷയ്ക്കും മിഥുനും ബോംബിന്റെ കാര്യം അറിയാമായിരുന്നു.
ഏറുപടക്കം വാങ്ങി സ്ഫോടകവസ്തുക്കള് ചേര്ത്താണ് നാടന് ബോംബുണ്ടാക്കിയത്. പ്രതികളുടെ അറസ്റ്റ് ഉടന് രേഖപ്പെടുത്തുമെന്നും അന്വേഷണ സംഘം അറിയിച്ചു. ബോംബുമായി എത്തിയ സംഘത്തില്പ്പെട്ട ആളാണ് മരിച്ച ജിഷ്ണു എന്ന് പൊലീസ് പറയുന്നു.
ഇയാളുടെ പോസ്റ്റ് മോര്ട്ടം ഇന്ന് നടക്കും. കേസില് രണ്ടുപേര് പൊലീസ് കസ്റ്റഡിയിലുണ്ട്. കല്യാണത്തലേന്ന് വരന്റെ വീട്ടില് ഏച്ചൂരില് നിന്നെത്തിയ സംഘവും തോട്ടടയിലെ യുവാക്കളും തമ്മില് വാക്കേറ്റവും കയ്യാങ്കളിയും ഉണ്ടായിരുന്നു.
