കണ്ണൂര്, കോട്ടയം, പത്തനംതിട്ട ജില്ലകളില് അതിശക്തമഴയെന്ന് മുന്നറിയിപ്പ്. കണ്ണൂര് ജില്ലയില് അടുത്ത അഞ്ചു ദിവസത്തേക്ക് അതിശക്തമഴയുണ്ടാകുമെന്ന മുന്നറിയിപ്പിനെത്തുടര്ന്ന് ഓറഞ്ച് അലെര്ട്ട് പ്രഖ്യാപിച്ചു. ഞായറാഴ്ച കോഴിക്കോട് ജില്ലയിലും തിങ്കളാഴ്ച മുതല് ബുധന് വരെ കാസര്ഗോഡ് ജില്ലയിലും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട അതിശക്ത മഴയാണ് ഓറഞ്ച് അലര്ട്ട് പ്രഖ്യാപിച്ച ഇടങ്ങളില് ഉണ്ടാകാന് സാധ്യത.
തിരുവനന്തപുരം, കൊല്ലം, ആലപ്പുഴ, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കാസർഗോഡ് ജില്ലകളിൽ യെല്ലോ അലർട്ടും പ്രഖ്യാപിച്ചു. തിരുവനന്തപുരം, കൊല്ലം ജില്ലകളിലെ നിലവിലെ പച്ച അലർട്ട് മഞ്ഞ അലർട്ട് ആയി കേന്ദ്ര കാലാവസ്ഥ വകുപ്പ് ഉയർത്തിയിരിക്കുന്നു. പത്തനംതിട്ട, കോട്ടയം, കണ്ണൂർ ജില്ലകളിൽ ഓറഞ്ച് അലർട്ടും മറ്റ് ജില്ലകളിൽ യെല്ലോ അലർട്ടും തുടരും.
