കുവൈറ്റിലെ അബ്ബാസിയയിലുണ്ടായ തീപിടിത്തത്തിൽ മലയാളികളായ നാലുപേർ മരിച്ചു. തിരുവല്ല നീരേറ്റുപുറം സ്വദേശി മാത്യു മുളക്കൽ, ഭാര്യ ലിനി എബ്രഹാം ഇവരുടെ മക്കൾ ഐസക്, ഐറിൻ എന്നിവരാണ് മരിച്ചത്. ഉറങ്ങാൻ കിടന്നപ്പോൾ എ.സിയിൽ നിന്ന് പുക ശ്വസിച്ച് മരിച്ചതാണെന്നാണ് സ്ഥിരീകരിക്കാത്ത വിവരം.ഷോർട്ട് സര്‍ക്യൂട്ടാകാം അപകടത്തിന് കാരണമെന്ന് സംശയിക്കുന്നുണ്ട്.
അബ്ബാസിയയിലെ അൽ ജലീബ് മേഖലയിൽ അപ്പാർട്ട്‌മെന്റ് കെട്ടിടത്തിൽ ഇന്നലെ രാത്രിയിലാണ് തീപിടിത്തം ഉണ്ടായതെന്നാണ് വിവരം. അവധിക്ക് നാട്ടിലായിരുന്ന കുടുംബം ഇന്നലെയാണ് കുവൈറ്റിൽ തിരിച്ചെത്തിയത്.
കുവൈറ്റ് അഗ്നിരക്ഷാ സേന കൂടുതൽ വിവരങ്ങൾ പുറത്തുവിട്ടിട്ടില്ല.
