പ്രധാനമന്ത്രി നരേന്ദ്ര മോദി തമിഴ്നാട്ടിലെ കന്യാകുമാരിയിലെ വിവേകാനന്ദപ്പാറ സ്മാരകത്തിൽ എത്തി. തിരുവനന്തപുരത്ത് നിന്ന് ഹെലികോപ്റ്ററിൽ എത്തിയ മോദി, ഭഗവതി അമ്മൻ ക്ഷേത്രത്തിൽ ആരാധന നടത്തിയ ശേഷം ഫെറി സർവീസ് വഴി റോക്ക് മെമ്മോറിയലിൽ എത്തി ജൂൺ 1 വരെ നീണ്ടുനിൽക്കുന്ന ധ്യാനം ആരംഭിച്ചതായി വാർത്താ ഏജൻസികൾ റിപ്പോർട്ട് ചെയ്തു. ഇന്ന് മുതൽ ജൂൺ ഒന്ന് വൈകുന്നേരം വരെ അദ്ദേഹം ധ്യാനിക്കും.
ധോത്തിയും വെള്ള ഷാളും ധരിച്ച മോദി ക്ഷേത്രത്തിൽ പ്രാർത്ഥിക്കുകയും ‘ഗർഭഗൃഹം’ പ്രദക്ഷിണം ചെയ്യുകയും ചെയ്തു. പുരോഹിതന്മാർ പ്രത്യേക അർച്ചന നടത്തി, അദ്ദേഹത്തിന് ക്ഷേത്രത്തിലെ പ്രസാദം നൽകി. അതിൽ ഒരു ഷാളും ക്ഷേത്രത്തിലെ പ്രതിഷ്ഠയുടെ ഫോട്ടോയും ഉണ്ടായിരുന്നു.
പിന്നീട്, സംസ്ഥാന സർക്കാരിന്റെ ഷിപ്പിംഗ് കോർപ്പറേഷൻ നടത്തുന്ന ഫെറി സർവീസ് വഴി അദ്ദേഹം റോക്ക് സ്മാരകത്തിലെത്തി ‘ധ്യാൻ മണ്ഡപത്തിൽ’ ധ്യാനം തുടങ്ങി. ധ്യാനാഭ്യാസത്തിൽ ഏർപ്പെടുന്നതിന് മുമ്പ്, സ്മാരകത്തെ എല്ലാ വശങ്ങളിൽ നിന്നും വലയം ചെയ്യുന്ന കടലിൻ്റെ അതിമനോഹരമായ കാഴ്ചകൾ പ്രദാനം ചെയ്യുന്ന മണ്ഡപത്തിലേക്കുള്ള പടവുകളിൽ മോദി അൽപ്പനേരം നിന്നു.
ജൂണ് ഒന്നിന് ഏഴാമത്തെയും അവസാനത്തെയും ഘട്ട തിരഞ്ഞെടുപ്പില് വാരണാസിയില് മല്സരിക്കുന്ന മോദി തന്റെ മണ്ഡലത്തില് വോട്ടെടുപ്പു നടക്കുമ്പോള് വിവേകാനന്ദപ്പാറയില് ധ്യാനസ്ഥനായിരിക്കും എന്ന പ്രത്യേകതയുണ്ട്.
