ഡ്രൈവിങ് ലൈസന്സ് നേടാനുള്ള ടെസ്റ്റ് മെയ് ഒന്ന് മുതൽ പരിഷ്കരിച്ചതിൽ പ്രതിഷേധിച്ച് സംസ്ഥാനത്തെ ഡ്രൈവിങ് സ്കൂളുകള് നാളെ മുതല് അനിശ്ചിത കാലത്തേക്ക് പണിമുടക്കുന്നു. സ്കൂള് ഉടമകള് ആണ് പണിമുടക്ക് പ്രഖ്യാപിച്ചിരിക്കുന്നത്. പരിഷ്കരണം നടപ്പാക്കുന്നതിനായി ഇറക്കിയ സര്ക്കുലര് പിന്വലിക്കണമെന്നാണ് ആവശ്യം.
നാളെ മുതല് പരിഷ്കാരം നടപ്പിലാക്കുമെന്നായിരുന്നു മന്ത്രിയുടെ പ്രഖ്യാപനം. കാറുകളും മറ്റു ചെറിയ വാഹനങ്ങളും ഉൾപ്പെടുന്ന ലൈറ്റ് മോട്ടർ വാഹനങ്ങൾക്കാണ് ഡ്രൈവിങ് ടെസ്റ്റ് പരിഷ്കരണം. മന്ത്രി കെ.ബി.ഗണേശ് കുമാറിന്റെ നിർദേശപ്രകാരമാണിത്.
