Categories
latest news

നാളെ പുതിയ പാര്‍ലമെന്റ് മന്ദിരത്തില്‍ സമ്മേളിക്കാനായി രാജ്യസഭയും ലോക്‌സഭയും പിരിഞ്ഞു

ഇന്ത്യയുടെ 75 വർഷത്തെ പാർലമെന്ററി യാത്രയെക്കുറിച്ചുള്ള ചർച്ചയ്ക്ക് ശേഷം രാജ്യസഭയും ലോക്‌സഭയും പിരിഞ്ഞു. നാളെ ഉച്ചയ്ക്ക് പുതിയ പാർലമെന്റ് മന്ദിരത്തിലായിരിക്കും ഇനി രാജ്യത്തിൻറെ പാര്ലമെന്റ് സമ്മേളനം ഇനി ചേരുക. രാജ്യസഭ ഉച്ചയ്ക്ക് 2.15 ന് പുതിയ പാർലമെന്റ് മന്ദിരത്തിലെ അപ്പർ ഹൗസ് ചേമ്പറിൽ ചേരും. ലോക്‌സഭ 1.15 ന് പുതുതായി നിർമ്മിച്ച ലോവർ ഹൗസ് ചേംബറിൽ യോഗം ചേരും.

തിങ്കളാഴ്ച ഇരുസഭകളിലും എംപിമാർ ” 75 വർഷത്തെ പാർലമെന്ററി യാത്ര – നേട്ടങ്ങൾ, അനുഭവങ്ങൾ, ഓർമ്മകൾ, പഠനങ്ങൾ” എന്ന വിഷയത്തിൽ ചർച്ച നടത്തി.

ലോക്‌സഭയിൽ ചർച്ച ആരംഭിച്ച പ്രധാനമന്ത്രി നരേന്ദ്ര മോദി, ആദ്യ പ്രധാനമന്ത്രി ജവഹർലാൽ നെഹ്‌റുവിന്റെയും തുടർന്നുള്ള നേതാക്കളായ ലാൽ ബഹാദൂർ ശാസ്ത്രി, പിവി നരസിംഹ റാവു, അടൽ ബിഹാരി വാജ്‌പേയി എന്നിവരുടെയും കാഴ്ചപ്പാടുകളെ പ്രശംസിച്ചു. പഴയ കെട്ടിടം വിടുന്നത് ഒരു വികാരനിർഭരമായ നിമിഷമാണെന്നും അത് തലമുറകളെ പ്രചോദിപ്പിക്കും എന്നും മോദി പ്രസംഗത്തിനിടെ പറഞ്ഞു. ഇന്ത്യയുടെ ആദ്യ പ്രധാനമന്ത്രി ജവഹർലാൽ നെഹ്‌റു, ബ്രിട്ടീഷ് കൊളോണിയൽ ഭരണത്തിൽ നിന്ന് ഇന്ത്യയുടെ സ്വാതന്ത്ര്യത്തെ അടയാളപ്പെടുത്തിക്കൊണ്ട് പാർലമെന്റിൽ തന്റെ പ്രസിദ്ധമായ പ്രസംഗം നടത്തിയതെങ്ങനെയെന്ന് അദ്ദേഹം ഉദ്ധരിച്ചു.

“ഈ കെട്ടിടം നിർമിക്കാൻ തീരുമാനിച്ചത് വിദേശ ഭരണാധികാരികളാണെന്നത് സത്യമാണ്, എന്നാൽ നിർമ്മാണത്തിനായി ചെലവഴിച്ച അധ്വാനവും പണവും നമ്മുടെ നാട്ടുകാരുടേതാണെന്ന് അഭിമാനത്തോടെ പറയാൻ കഴിയും”– പ്രധാനമന്ത്രി പറഞ്ഞു.

ചന്ദ്രയാൻ -3 ചാന്ദ്ര ദൗത്യത്തിന്റെയും ജി 20 ഉച്ചകോടിയുടെയും വിജയത്തെയും മോദി അഭിനന്ദിച്ചു . രണ്ടാമത്തേതിന്റെ വിജയം രാജ്യത്തെ 140 കോടി ജനങ്ങളുടേതാണെന്നും ഒരു വ്യക്തിയുടെയോ പാർട്ടിയുടെയോ മാത്രമല്ലെന്നും അദ്ദേഹം പറഞ്ഞു. റഷ്യ- ഉക്രെയ്ൻ പ്രതിസന്ധിയെക്കുറിച്ചുള്ള ഖണ്ഡികകൾ ഉൾക്കൊള്ളുന്ന ജി 20 പ്രഖ്യാപനത്തിൽ സമവായം കൊണ്ടുവന്നത് ഇന്ത്യയുടെ ശക്തിയാണെന്ന് മോദി കൂട്ടിച്ചേർത്തു .

സഭാ നടപടികളിൽ വനിതാ എംപിമാരുടെ വർദ്ധിച്ചുവരുന്ന പ്രാതിനിധ്യവും സംഭാവനയും മോദി പ്രസംഗത്തിനിടെ പരാമർശിച്ചു. നേരത്തെ ഇവരുടെ എണ്ണം കുറവായിരുന്നെങ്കിലും വർഷങ്ങളായി തുടർച്ചയായി വർധിച്ചതായി അദ്ദേഹം പറഞ്ഞു. “ ഇതുവരെ അറുനൂറോളം വനിതാ എംപിമാർ ഇരുസഭകളുടെയും അന്തസ്സ് വർധിപ്പിച്ചു ”– അദ്ദേഹം പറഞ്ഞു.

രാജ്യത്തിന്റെ ക്ഷേമത്തിനായി കൂട്ടായ തീരുമാനങ്ങൾ എടുത്ത ഇന്ത്യയുടെ ജനാധിപത്യ യാത്രയിൽ പഴയ പാർലമെന്റ് മന്ദിരത്തിന് സമാനതകളില്ലാത്ത സംഭാവനയുണ്ടെന്ന് ലോക്‌സഭാ സ്പീക്കർ ഓം ബിർള പറഞ്ഞു.

Spread the love
English Summary:

Leave a Reply

Your email address will not be published. Required fields are marked *

Social Connect

Editors' Pick