Categories
latest news

തെലുങ്ക് വിപ്ലവ കവി ഗദ്ദർ അന്തരിച്ചു

പ്രശസ്ത തെലുങ്ക് വിപ്ലവ കവിയും ആക്ടിവിസ്റ്റുമായ ഗദ്ദർ അന്തരിച്ചു. 75 വയസ്സായിരുന്നു. ഹൈദരാബാദ് ജൂബിലി ഹിൽസിലെ അപ്പോളോ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. ഹൃദ്രോഗം ബാധിച്ച അദ്ദേഹത്തെ ജൂലായ് 20-ന് ആശുപത്രിയിൽ പ്രവേശിപ്പിച്ചു. ആഗസ്റ്റ് 3-ന് ബൈപാസ് സർജറിക്ക് വിധേയനായി. ശ്വാസകോശ, മൂത്രാശയ പ്രശ്നങ്ങൾ എന്നിവ അലട്ടിയിരുന്നു.

ഗദ്ദറിന്റെ യഥാർത്ഥ പേര് ഗുമ്മാഡി വിട്ടൽ റാവു എന്നാണ്. 1948-ൽ ഹൈദരാബാദ് സംസ്ഥാനത്തെ തൂപ്രാനിലാണ് അദ്ദേഹം ജനിച്ചത്. ആന്ധ്രാപ്രദേശിലെ നക്സൽ പ്രസ്ഥാനത്തിൽ അദ്ദേഹം സജീവമായിരുന്നു. 1970 കളിൽ തെലുങ്കാന പ്രക്ഷോഭത്തിൽ സജീവമായി പങ്കെടുത്താണ് ഗദ്ദർ തന്റെ രാഷ്ട്രീയ യാത്ര ആരംഭിക്കുന്നത്. കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ (മാർക്സിസ്റ്റ് – ലെനിനിസ്റ്റ്) സാംസ്കാരിക വിഭാഗത്തിൽ പ്രവർത്തിച്ചു. 2010 വരെ അദ്ദേഹം പ്രസ്ഥാനത്തിൽ സജീവമായിരുന്നു. പിന്നീട് ഗദ്ദർ തെലങ്കാന സംസ്ഥാന പ്രസ്ഥാനത്തിൽ ചേർന്നു. അംബേദ്കറൈറ്റ് ആണെന്ന് അദ്ദേഹം സ്വയം തിരിച്ചറിഞ്ഞു. സ്വന്തം രാഷ്ട്രീയ പാർട്ടിയായ തെലങ്കാന പ്രജാ ഫ്രണ്ട് പോലും രൂപീകരിച്ചെങ്കിലും രാഷ്ട്രീയത്തിൽ വിജയിക്കാനായില്ല.

2010ൽ തെലങ്കാന സംസ്ഥാന പ്രസ്ഥാനത്തിൽ ചേരുന്നതുവരെ നക്സലൈറ്റ് പ്രസ്ഥാനത്തിൽ അംഗമായിരുന്നു അദ്ദേഹം. തെലങ്കാന പ്രസ്ഥാനത്തിന്റെ പുനരുജ്ജീവനത്തോടെ ഗദ്ദർ സ്വതന്ത്ര തെലങ്കാന സംസ്ഥാനത്തിനായി വാദിക്കുകയും 2017-ൽ മാവോയിസ്റ്റുകളുമായുള്ള ബന്ധം വിച്ഛേദിക്കുകയും ചെയ്തു.

തെലുങ്കാന സംസ്ഥാന രൂപീകരണത്തിനായി ആരംഭിച്ച തെലങ്കാന പ്രജ ഫ്രണ്ടുമായി ചേർന്ന് പ്രവർത്തിച്ചു. 1988 ൽ മികച്ച പിന്നണിഗായകനുള്ള അവാർഡും സാഹിത്യഅക്കാദമി അവാർഡും ഇന്ത്യയിലെ ഉന്നത ബഹുമതിയായ പത്മശ്രീ ഉൾപ്പടെ നിരവധി അവാർഡുകളും ഗദ്ദറിനെ തേടിയെത്തി.

Spread the love
English Summary: thelungu poet gadder passes away

Leave a Reply

Your email address will not be published. Required fields are marked *

Social Connect

Editors' Pick