നിയമസഭാ സ്പീക്കര് എ എൻ ഷംസീറിന് നേരെ കൈയ്യോങ്ങിയാൽ യുവമോർച്ചക്കാരുടെ സ്ഥാനം മോർച്ചറിയിലായിരിക്കുമെന്ന് സി.പി.എം. സംസ്ഥാനസമിതി അംഗവും ഖാദി ബോര്ഡ് വൈസ് ചെയര്മാനുമായ പി. ജയരാജൻ.
“പോപ്പുലർ ഫ്രണ്ടുകാർ ജോസഫ് മാഷിന്റെ കൈവെട്ടിയതുപോലെയൊരു അനുഭവം ഷംസീറിന് ഉണ്ടാകാതിരിക്കില്ല”- എന്ന കെ ഗണേഷിന്റെ പ്രസ്താവനയ്ക്കുള്ള മറുപടിയായാണ് പി. ജയരാജൻ ഇത് പറഞ്ഞത്
ഷംസീറിനെതിരായ യുവമോർച്ചയുടെ ഈ ഭീഷണിയൊന്നും നാട്ടിൽ നടപ്പില്ലെന്നും അതിശക്തമായ ചെറുത്ത് നിൽപ്പുണ്ടാകുമെന്നും ജയരാജൻ പറഞ്ഞു.
ഹിന്ദു ദൈവങ്ങളെ അധിക്ഷേപിച്ചുവെന്ന് ആരോപിച്ച് എ എൻ ഷംസീറിന്റെ ഓഫീസിലേക്ക് യുവമോർച്ച പ്രതിഷേധ മാർച്ച് നടത്തിയിരുന്നു. ഇതിന് പിന്നാലെയാണ് കെ ഗണേഷിന്റെ വിവാദ പ്രതികരണം വന്നത്.
കഴിഞ്ഞ ദിവസംമുതൽ ഷംസീറിനുള്ള പൊലീസ് സുരക്ഷ ശക്തമാക്കിയിട്ടുണ്ട്. ഷംസീർ പങ്കെടുക്കുന്ന പരിപാടികളിൽ കൂടുതൽ പൊലീസിനെയും വിന്യസിക്കുന്നുണ്ട്.
