Categories
latest news

പ്രായപൂർത്തിയാകാത്തവരുടെ പ്രണയബന്ധങ്ങൾ ക്രിമിനൽവൽക്കരിക്കേണ്ടതില്ലെന്ന് ബോംബെ ഹൈക്കോടതി

ലൈംഗിക സമ്മതത്തിനുള്ള പ്രായം വിവാഹ പ്രായത്തിൽ നിന്ന് വേർതിരിക്കണമെന്ന് ബോംബെ ഹൈക്കോടതി അഭിപ്രായപ്പെട്ടു. പ്രായപൂർത്തിയാകാത്തവർ തമ്മിലുള്ള പ്രണയബന്ധങ്ങൾ ക്രിമിനൽവൽക്കരിക്കേണ്ടതില്ലെന്ന് ഹൈക്കോടതി പറഞ്ഞു. പരസ്പര സമ്മതത്തോടെയുള്ള ലൈംഗികത വിവാഹ പ്രായത്തിന് മുൻപേ നടക്കാമെന്നതിനാൽ സമ്മത പ്രായം വിവാഹ പ്രായത്തിൽ നിന്ന് വേർതിരിക്കണമെന്നും പ്രായപൂർത്തിയാകാത്തവർ തമ്മിലുള്ള ഇത്തരം ബന്ധങ്ങൾ ശിക്ഷാർഹമായ സമീപനത്തിലൂടെ കൈകാര്യം ചെയ്യരുതെന്നും കോടതി കൂട്ടിച്ചേർത്തു.

പ്രായപൂർത്തിയാകാത്ത പെൺകുട്ടിയുമായി ലൈംഗിക ബന്ധത്തിൽ ഏർപ്പെട്ടതിന് 2016-ൽ പോക്‌സോ ആക്ട് പ്രകാരം ശിക്ഷിക്കപ്പെട്ട ഒരാളെ കുറ്റവിമുക്തനാക്കുന്നതിനിടെയാണ് കോടതി ഈ നിരീക്ഷണങ്ങൾ നടത്തിയത്.

25 വയസ്സുള്ള കുറ്റാരോപിതനുമായി 17 വയസ്സുള്ള പെൺകുട്ടി പരസ്പര സമ്മതത്തോടെയുള്ള ബന്ധത്തിലായിരുവെന്നും മുസ്ലീം നിയമപ്രകാരം താൻ പ്രായപൂർത്തിയായ ആളാണെന്നും അതിനാൽ പ്രതിയുമായി നിക്കാഹ് (വിവാഹം) നടത്തിയെന്നും പെൺകുട്ടി പറഞ്ഞു.
പരസ്പര സമ്മതത്തോടെയുള്ള ബന്ധമാണെങ്കിലും പെൺകുട്ടിക്ക് 18 വയസ്സ് തികയാൻ മാസങ്ങൾ കുറവാണെന്നും പ്രായപൂർത്തിയാകാത്ത ഒരാളുടെ സമ്മതം അപ്രസക്തമായതിനാൽ അവളുമായുള്ള ലൈംഗിക ബന്ധം ബലാത്സംഗത്തിന് തുല്യമാണെന്നും വിചാരണ കോടതി നിരീക്ഷിച്ചിരുന്നു.
എന്നാൽ ഉഭയസമ്മതപ്രകാരമുള്ള ലൈംഗികതയെന്ന് തെളിവുകൾ വ്യക്തമായി സ്ഥാപിച്ചുവെന്നും ശിക്ഷാവിധി തെറ്റാണെന്നും ഹൈക്കോടതി ചൂണ്ടിക്കാട്ടി. പ്രായപൂർത്തിയാകാത്തവരുമായുള്ള എല്ലാ ലൈംഗിക ബന്ധങ്ങളും ബലാത്സംഗമാണെന്ന് അനുമാനിക്കുന്നില്ലെന്നും കോടതി പറഞ്ഞു.

പ്രായപൂർത്തിയാകാത്തവർ തമ്മിലുള്ള പ്രണയബന്ധങ്ങൾ ക്രിമിനൽവൽക്കരിക്കുന്നതിനെ കുറിച്ച് ജസ്റ്റിസ് ഭാരതി ഡാംഗ്രെയുടെ സിംഗിൾ ബെഞ്ച് ആശങ്കകൾ ഉന്നയിക്കുകയും പകരം ലൈംഗികവും പ്രത്യുൽപാദനപരവുമായ ആരോഗ്യ സേവനങ്ങളിലേക്കുള്ള പ്രവേശനം പ്രാപ്തമാക്കുന്ന പുരോഗമനപരമായ സമീപനത്തിന് ആവശ്യപ്പെടുകയും ചെയ്തു.

വിവാഹത്തിന്റെ പരിധിയിൽ മാത്രം ലൈംഗികത സംഭവിക്കുന്നതല്ലെന്നും സമൂഹം മാത്രമല്ല, നീതിന്യായ വ്യവസ്ഥയും ഈ സുപ്രധാന വശം ശ്രദ്ധിക്കേണ്ടതാണെന്നും കോടതിയുടെ പറഞ്ഞു.

Spread the love
English Summary:

Leave a Reply

Your email address will not be published. Required fields are marked *

Social Connect

Editors' Pick