രാഹുല്‍ഗാന്ധിയുടെ പ്രസംഗം ദേശവിരുദ്ധ ‘ടൂള്‍കിറ്റ്’ ആണെന്ന് ബി.ജെ.പി. ദേശീയാധ്യക്ഷന്‍ ജെ.പി.നദ്ദയുടെ പരാമര്‍ശത്തിനെതിരെ കോണ്‍ഗ്രസ് അധ്യക്ഷന്റെ രൂക്ഷ പ്രതികരണം. രാജ്യത്തിന്റെ സ്വാതന്ത്ര്യസമരത്തില്‍ ഒരിക്കലും പങ്കെടുത്തിട്ടില്ലാത്ത, ബ്രിട്ടീഷുകാര്‍ക്ക് വേണ്ടി പ്രവര്‍ത്തിച്ച ബി.ജെ.പി.യുടെ മുന്‍ഗാമികളാണ് യഥാര്‍ഥ ദേശവിരുദ്ധരെന്ന് മല്ലികാര്‍ജുന്‍ ഖര്‍ഗെ ആഞ്ഞടിച്ചു.
‘ ബ്രിട്ടീഷുകാര്‍ക്കു വേണ്ടി പ്രവര്‍ത്തിച്ചവരാണ് ഞങ്ങളെ ദേശവിരുദ്ധരെന്ന് വിളിക്കുന്നത്. രാഹുല്‍ഗാന്ധിക്ക് എപ്പോഴെങ്കിലും ദേശവിരുദ്ധനാകാന്‍ കഴിയുമോ. ജനാധിപത്യത്തെക്കുറിച്ച് ചര്‍ച്ച ചെയ്യുന്നവര്‍ ദേശവിരുദ്ധരാണോ’-ഖര്‍ഗെ ചോദിച്ചു.
