ത്രിപുര എന്ന കൊച്ചു സംസ്ഥാനത്തിന്റെ ഭരണം നിലനിര്ത്താന് ബിജെപി തുടക്കമിട്ടിരിക്കുന്നത് പടയോട്ടം തന്നെയാണ്. സംസ്ഥാനത്തുടനീളം 35 റാലികളാണ് നടത്തുന്നത്. ദേശീയ പ്രസിഡണ്ട് ഉള്പ്പെടെയുള്ള താരപ്രചാരകര് റാലികളില് ആവേശത്തിരയിളക്കുന്നു. ഇടതു-കോണ്ഗ്രസ് സഖ്യത്തെ അവര് പരിഹസിക്കുന്നു.
ഗോമതി ജില്ലയിലെ അമര്പൂരില് നടന്ന വിജയ് സങ്കല്പ യാത്രയില് പ്രസംഗിച്ച ദേശീയ പ്രസിഡണ്ട് ജെ.പി. നദ്ദ പ്രതിപക്ഷ സഖ്യത്തെ ആക്രമിച്ചു. അവരുടെ ഭരണം കലാപവും രാഷ്ട്രീയ. കൊലകളും കൊള്ളയും നിറഞ്ഞതായിരുന്നുവെന്ന് നദ്ദ ആരോപിച്ചു.
“നമുക്കെതിരെ പോരാടുന്നവർ, അവർ ആരാണ്? ഈ ഗത്ബന്ധൻ (സഖ്യം) എന്തിനുവേണ്ടിയാണ്? ഇത് അവരുടെ നിലനിൽപ്പിന് വേണ്ടിയാണ്… രാജ്യത്തും ലോകത്തും ത്രിപുരയെ മുന്നോട്ട് കൊണ്ടുപോകാൻ ഞങ്ങൾ പോരാടുകയാണ്. ഞങ്ങളുടെ പോരാട്ടം യുവാക്കൾക്ക് ചിറകുകൾ നൽകുന്നതിനും സ്ത്രീകൾക്ക് മാന്യത നൽകുന്നതിനും വികസനത്തിന് തുടക്കം കുറിക്കുന്നതിനും വ്യാപാരവും ബിസിനസും പ്രോത്സാഹിപ്പിക്കുന്നതിനും ത്രിപുരയെ വിനോദസഞ്ചാരത്തിന്റെ കേന്ദ്രമാക്കുന്നതിനും വേണ്ടിയാണ്,” അദ്ദേഹം പറഞ്ഞു .