ഹിമാചലിൽ മന്ത്രിസഭാ വികസനം സംബന്ധിച്ച് ഇപ്പോഴും സസ്‌പെൻസ് തുടരുകയാണ്. സംസ്ഥാനത്ത് തിരഞ്ഞെടുപ്പ് ഫലം വന്ന് ഒരു മാസമായിട്ടും മന്ത്രിസഭായോഗം നടത്താൻ സാധിച്ചിട്ടില്ല. ഇതുമൂലം തിരഞ്ഞെടുപ്പ് കാലത്ത് കോൺഗ്രസ് ജനങ്ങൾക്ക് നൽകിയ വാഗ്ദാനങ്ങൾ പോലും പാലിക്കാൻ തുടങ്ങാൻ കഴിയുന്നില്ല . പുതിയ സർക്കാർ രൂപീകരണത്തിന് ശേഷം മന്ത്രിസഭാ രൂപീകരണത്തിൽ ഇത്രയും കാലതാമസം നേരിടുന്നത് ഹിമാചലിന്റെ ചരിത്രത്തിൽ ആദ്യമാണ്.
മുഖ്യമന്ത്രി സുഖ്‌വീന്ദർ സിങ് സുഖുവിന് മന്ത്രിമാരെ തിരഞ്ഞെടുക്കാൻ കഴിയാത്തതാണ് മന്ത്രിസഭാ രൂപീകരണം വൈകാൻ കാരണം. 10 മന്ത്രിമാരാണ് വേണ്ടത് . എന്നാൽ മത്സരരംഗത്തുള്ളത് 15 എംഎൽഎമാരാണ്, ഇതാണ് പ്രതിസന്ധി.
ഡൽഹിയിൽ രണ്ടു ദിവസമായി ചർച്ച നടത്തിയിട്ടും തീരുമാനം ഒന്നും പുറത്തു വന്നില്ല. മന്ത്രിമാരാക്കാനുള്ള 10 പേരുടെ പട്ടിക ഹൈക്കമാൻഡിന് കൈമാറിയതായി ഡൽഹിയിൽ നിന്ന് ഷിംലയിലേക്ക് മടങ്ങിയ ശേഷം മാധ്യമങ്ങളോട് സംസാരിക്കവെ മുഖ്യമന്ത്രി സുഖ്‌വീന്ദർ സുഖു പറഞ്ഞു. അവിടെ നിന്ന് അനുമതി ലഭിച്ചാലുടൻ മന്ത്രിസഭ വിപുലീകരിക്കും. ഇന്ന് ഹൈക്കമാൻഡിന്റെ പട്ടിക വന്നാൽ മന്ത്രിമാർ നാളെ സത്യപ്രതിജ്ഞ ചെയ്യുമെന്ന് ചോദ്യത്തിന് മറുപടിയായി മുഖ്യമന്ത്രി പറഞ്ഞു.
