1960-ൽ തന്റെ ആദ്യഫീച്ചർ സിനിമയായ “ബ്രീത്ത്‌ലെസ്” കൊണ്ട് ജനപ്രിയ സിനിമയിൽ വിപ്ലവം സൃഷ്ടിച്ച ഫ്രഞ്ച് നവതരംഗത്തിലെ വിപ്ലവകാരി ജീൻ ലൂക്ക് ഗോദാർദ് അന്തരിച്ചു. അദ്ദേഹത്തിന് 91 വയസ്സായിരുന്നു. അദ്ദേഹത്തിന്റെ മരണവാർത്ത ചൊവ്വാഴ്ച ബന്ധുക്കൾ അറിയിച്ചതായി ഫ്രഞ്ച് മാധ്യമങ്ങൾ സ്ഥിരീകരിച്ചു.
ഒരു ചലച്ചിത്ര നിരൂപകനെന്ന നിലയിൽ 1950 കളിൽ ആരംഭിച്ച കരിയറിൽ ഗോദാർദ് പരമ്പരാഗത സിനിമാ സങ്കൽപ്പങ്ങൾ ആകെ നിരസിച്ചു. ക്യാമറ, ശബ്ദം, ആഖ്യാനം എന്നിവയ്ക്കുള്ള നിയമങ്ങൾ അദ്ദേഹം തിരുത്തിയെഴുതി. രാഷ്ട്രീയ പ്രാധാന്യമുള്ളതും പരീക്ഷണാത്മകവുമായ സിനിമകളുടെ ഒരു നിര തന്നെ നിർമ്മിച്ചു. ഗൊദാർദിന്റെ സിനിമ ഫ്രഞ്ച് ചലച്ചിത്ര സൗന്ദര്യശാസ്ത്രത്തിന് പുതിയ സ്വരമൊരുക്കി. ഗോദാർഡ് പരമ്പരാഗത ആഖ്യാന ശൈലി നിരസിക്കുകയും പകരം ആക്ഷൻ രംഗങ്ങളും ദാർശനിക ചർച്ചകളും ഇടകലർത്തി ജമ്പ്-കട്ടുകൾ ഉപയോഗിക്കുകയും ചെയ്തു. വിട്ടുവീഴ്ചയില്ലാത്ത ഇടതുപക്ഷ രാഷ്ട്രീയ വീക്ഷണങ്ങൾക്ക് പിന്നീട് പ്രശസ്തി നേടിയ ഗൊദാർദ് , 1960-ൽ “ദി ലിറ്റിൽ സോൾജിയർ” എന്ന ചിത്രം നിർമ്മിച്ചപ്പോൾ ഫ്രഞ്ച് അധികാരികളുമായി ഉരസി.. അൾജീരിയയിലെ ഫ്രാൻസിന്റെ കൊളോണിയൽ യുദ്ധത്തെക്കുറിച്ചുള്ള പരാമർശങ്ങൾ നിറഞ്ഞ സിനിമ, സംഘർഷം അവസാനിച്ച് ഒരു വർഷം വരെ റിലീസ് ചെയ്തില്ല. 1960 കളുടെ അവസാനത്തോടെ അദ്ദേഹത്തിന്റെ പ്രവർത്തനം കൂടുതൽ രാഷ്ട്രീയമായി മാറി. ജൂത ജനതയോടും നാസി അധിനിവേശ യൂറോപ്പിലെ അവരുടെ ദുരവസ്ഥയോടും അദ്ദേഹം അനുഭാവം പുലർത്തി.
1970 കളുടെ തുടക്കം മുതൽ 1990 കളുടെ ആരംഭം വരെയുള്ള സിനിമകളിൽ ചിത്രീകരിച്ചിരിക്കുന്ന സോഷ്യലിസത്തിന്റെ വിവിധ രൂപങ്ങളോട് ഗൊദാർദ് ജീവിതകാലം മുഴുവൻ സഹാനുഭൂതി പുലർത്തിയിരുന്നു. 2007 ഡിസംബറിൽ യൂറോപ്യൻ ഫിലിം അക്കാദമി അദ്ദേഹത്തെ ലൈഫ് ടൈം അച്ചീവ്‌മെന്റ് അവാർഡ് നൽകി ആദരിച്ചു.
1951-ൽ സംവിധായകരായ റിവെറ്റിന്റെയും റോമറിന്റെയും രണ്ട് സിനിമകളിൽ പ്രവർത്തിച്ചതിന് ശേഷം, പിതാവിനൊപ്പം വടക്കേ അമേരിക്കയിലും തെക്കേ അമേരിക്കയിലും സഞ്ചരിക്കുമ്പോൾ ഗോദാർദ് തന്റെ ആദ്യ സിനിമ സംവിധാനം ചെയ്യാൻ ശ്രമിച്ചു, പക്ഷേ അത് പൂർത്തിയാക്കിയില്ല.
യൂറോപ്പിൽ തിരിച്ചെത്തിയ അദ്ദേഹം സ്വിറ്റ്സർലൻഡിൽ ഒരു ഡാം പ്രൊജക്റ്റിന്റെ നിർമ്മാണ തൊഴിലാളിയായി . അണക്കെട്ടിന്റെ നിർമ്മാണത്തെക്കുറിച്ചുള്ള 20 മിനിറ്റ് ദൈർഘ്യമുള്ള ഡോക്യുമെന്ററിയായ “ഓപ്പറേഷൻ കോൺക്രീറ്റ്” എന്ന തന്റെ ആദ്യ സമ്പൂർണ ചിത്രത്തിന്നായി അദ്ദേഹം തന്റെ ജോലിയിൽ നിന്നുള്ള കൂലി ഉപയോഗിച്ചു. പാരീസിലേക്ക് മടങ്ങിയെത്തിയ ഗൊദാർദ് കലാകാരന്മാരുടെ ഒരു ഏജൻസിയുടെ വക്താവായി പ്രവർത്തിക്കുകയും 1957-ൽ തന്റെ ആദ്യ ഫീച്ചർ സിനിമ തയ്യാറാക്കുകയും ചെയ്തു – “ഓൾ ബോയ്സ് ആർ കോൾഡ് പാട്രിക്”. ഇത് 1959-ൽ പുറത്തിറങ്ങി.
ട്രൂഫോയുടെ ഒരു കഥയെ അടിസ്ഥാനമാക്കിയുള്ള “ബ്രീത്ത്‌ലെസ്സ്” എന്ന ചിത്രത്തിന്റെ ജോലിയും അദ്ദേഹം ഇതോടൊപ്പം ആരംഭിച്ചു. 1960 മാർച്ചിൽ ഈ സിനിമ പുറത്തിറങ്ങിയപ്പോൾ അത് ഗോദാർദിന്റെ ആദ്യത്തെ വലിയ വിജയമായിരുന്നു.
