ഷാർജയിൽ നിന്ന് ഹൈദരാബാദിലേക്കുള്ള ഇൻഡിഗോ വിമാനം വിമാനത്തിൽ സാങ്കേതിക തകരാർ ഉണ്ടെന്ന് പൈലറ്റ് റിപ്പോർട്ട് ചെയ്തതിനെ തുടർന്ന് ഞായറാഴ്ച പാകിസ്ഥാനിലെ കറാച്ചിയിലേക്ക് തിരിച്ചുവിട്ടു. കറാച്ചിയിൽ നിന്നും യാത്രക്കാരെ തിരികെ കൊണ്ടുവരാൻ മറ്റൊരു വിമാനം കറാച്ചിയിലേക്ക് അയക്കാൻ തീരുമാനമായിട്ടുണ്ട് . രണ്ടാഴ്ചയ്ക്കിടെ കറാച്ചിയിൽ മുൻകരുതൽ ലാൻഡിംഗ് നടത്തുന്ന രണ്ടാമത്തെ ഇന്ത്യൻ വിമാനം ആണിത്. ജൂലൈ 5 ന് ന്യൂഡൽഹിയിൽ നിന്ന് ദുബായിലേക്ക് പോയ സ്പൈസ് ജെറ്റ് വിമാനം സാങ്കേതിക തകരാർ ഉണ്ടായതിനെത്തുടർന്ന് മുൻകരുതലായി പാകിസ്ഥാനിലെ കറാച്ചി വിമാനത്താവളത്തിൽ ഇറക്കിയിരുന്നു .
കഴിഞ്ഞ വ്യാഴാഴ്ച ഡൽഹിയിൽ നിന്ന് വഡോദരയിലേക്കുള്ള മറ്റൊരു ഇൻഡിഗോ വിമാനം എഞ്ചിനിലെ കമ്പനത്തെത്തുടർന്ന് മുൻകരുതൽ നടപടിയായി ജയ്പൂരിലേക്ക് വഴിതിരിച്ചു വിടുകയും ചെയ്തിരുന്നു.

Related Articles:

ചൈന അനുകൂല പ്രചാരണക്കേസില്‍ ന്യൂസ് ക്ലിക്കിനെതിരെ ഒടുവില്‍ 8000 പേജുള്ള…

ഇസ്രായേലിലേക്കുള്ള വിമാന സർവീസുകൾ ഇന്ത്യ നിർത്തിവെക്കുന്നു