ഒമിക്രോണ്‍ വകഭേദത്തിന്റെ വ്യാപന നിരക്ക് അതിവേഗമാണെന്നതില്‍ ഇന്ത്യന്‍ മെഡിക്കല്‍ അസോസിയേഷന്‍ ആശങ്ക രേഖപ്പെടുത്തി. കൊവിഡ് വാരിയേഴ്‌സിന് ബൂസ്റ്റര്‍ ഡോസ് നല്‍കണമെന്നും കേസുകള്‍ നിയന്ത്രിക്കാന്‍ സത്വര നടപടി വേണമെന്നും ഐഎംഎ ദേശീയ ഘടകം ആവശ്യപ്പെട്ടു. ഇല്ലെങ്കില്‍ കൂടുതല്‍ അപകടകരമായ മൂന്നാം തരംഗം സംഭവിക്കാമെന്ന മുന്നറിയിപ്പ് സംഘടന സര്‍ക്കാരിന് നല്‍കി.
ബംഗലുരുവില്‍ ഒമിക്രോണ്‍ സ്ഥിരീകരിച്ച ഡോക്ടറുടെ പരിശോധനാഫലം ഒരാഴ്ചയ്ക്കും ശേഷവും പോസിറ്റീവായി തുടരുന്നു. ഇനി ഏഴു ദിവസം കൂടി കഴിഞ്ഞ് വീണ്ടും പരിശോധന നടത്തും. രാജ്യത്തെ ആദ്യത്തെ ഒമിക്രോണ്‍ കേസുകള്‍ ബംഗലുരുവിലായിരുന്നു റിപ്പോര്‍ട്ട് ചെയ്തത്.