കോളനി വാഴ്ചക്കാലത്ത് ഇന്ത്യക്കാരെ നിശ്ശബ്ദരാക്കാനും കുരുക്കാനും ബ്രീട്ടീഷുകാര് ഉണ്ടാക്കിയ ഒരു നിയമം സ്വാതന്ത്ര്യം കിട്ടി 75 വര്ഷം കഴിഞ്ഞിട്ടും അതേപടി ദുരുപയോഗിക്കുന്നതിനെതിരെ കേന്ദ്രസര്ക്കാരിനെതിരെ സുപ്രീംകോടതി ഇന്ന് ആഞ്ഞടിച്ചു. ജനാധിപത്യസംവിധാനത്തിന് ഏറ്റവും വലിയ ഭീഷണിയാണ് ഈ നിയമം എന്ന് ചീഫ് ജസ്റ്റിസ് എൻ വി രമണയുടെ അധ്യക്ഷതയിലുള്ള മൂന്നംഗ ബെഞ്ച്നിരീക്ഷിച്ചു.
ആശാരിയുടെ കയ്യിലെ മഴു പോലെ…
കേന്ദ്രസര്ക്കാര് രാജ്യദ്രോഹ നിയമം ഉപയോഗിക്കുന്നതിനെ സുപ്രീംകോടതി വിശേഷിപ്പിച്ചത് രൂക്ഷമായ കമന്റുകളോടെയായിരുന്നു. ഈ നിയമം ആശാരിയുടെ കയ്യില് കൊടുത്ത മഴു പോലെയാണ്. മഴു ഉപയോഗിച്ച് ഒരു മരം വെട്ടാം, എന്നാല് ഒരു കാട് മുഴുവന് വെട്ടിവെളുപ്പിക്കാനും ഈ മഴു മതി. ഇതു പോലെയാണ് രാജ്യദ്രോഹ നിയമം ദുരുപയോഗിക്കാനുള്ള സാധ്യതയുമെന്ന് കോടതി പറഞ്ഞു. നിയമം കൈയ്യാളുന്ന വ്യക്തിയുടെ താല്പര്യപ്രകാരം നിയമം ദുരുപയോഗിക്കുന്ന അവസ്ഥയാണ് ഉണ്ടാകുന്നത്.
ഗാന്ധിയെ നിശ്ശബ്ദനാക്കാനും ബ്രിട്ടീഷുകര് ഈ നിയമം തന്നെയാണുപയോഗിച്ചതെന്ന് കോടതി നിരീക്ഷിച്ചു. സ്വാതന്ത്ര്യസമരത്തെ അടിച്ചമര്ത്താനും ഈ നിയമം ആണ് ഉപയോഗിച്ചത്. സ്വാതന്ത്ര്യം നേടി 75 കൊല്ലത്തിനിപ്പുറവും ഈ നിയമം തുടരുന്നതിലെ സാംഗത്യം എന്താണ്…കോടതി ചോദിച്ചു.
സുപ്രീംകോടതി 2015-ല് റദ്ദാക്കിയ ഐ.ടി.ആക്ടിലെ 66-എ. വകുപ്പ് അതിനുശേഷവും ് ഉപയോഗിച്ച് പൊലീസ ആയിരത്തിലധികം പേരെ കേസുകളില് കുടുക്കിയ കാര്യവും കോടതിയുടെ വിമര്ശനത്തിന് ഇരയായി. എത്രയെത്ര നിര്ഭാഗ്യവാന്മാരാണ് ദുരിതം അനുഭവിച്ചത്, ഇതിന് ആര് ഉത്തരം പറയും–കോടതി അഭിപ്രായപ്പെട്ടു.
ബ്രിട്ടീഷുകാര് ഇന്ത്യക്കാരെ കുരുക്കാന് ഉണ്ടാക്കിയ നിയമം ഈ ജനാധിപത്യ യുഗത്തിലും ആശാസ്യമോ….ഇത് ആശാരിയുടെ കയ്യിലെ മഴു….രാജ്യദ്രോഹ നിയമത്തെ എടുത്തു കുടഞ്ഞ് സുപ്രീംകോടതി
Releated Posts
Trending Posts
Gallery
