കുവൈത്ത് അംഗീകരിച്ച വാക്സിന് സ്വീകരിച്ച വിദേശികള്ക്ക് ആ രാജ്യത്തേക്കുള്ള പ്രവേശന വിലക്ക് പിന്വലിക്കാന് തീരുമാനം.താമസ വിസയുള്ള വിദേശികള്ക്ക് ആഗസ്റ്റ് ഒന്നു മുതലാണ് പ്രവേശന അനുമതി. ഇന്ത്യയില് നല്കുന്ന ആസ്ട്രസെനക വാക്സിന്(കൊവിഷീല്ഡ്) സ്വീകരിച്ചവര്ക്ക് ഇതോടെ വിലക്കുണ്ടാവില്ല. ഫൈസര്, ആസ്ട്രസെനക, മൊഡേണ, ജോണ്സണ് ആന്ഡ് ജോണ്സണ് എന്നിവയാണ് കുവൈത്ത് അംഗീകരിച്ച വാക്സിനുകള്. ഈ വാക്സിന് സ്വീകരിച്ചവര്ക്കാണ് പ്രവേശനാനുമതി.
ഇന്ത്യ ഉള്പ്പെടെയുള്ള രാജ്യക്കാര്ക്ക് കഴിഞ്ഞ ഒന്നര വര്ഷമായി ഏര്പ്പെടുത്തിയിരിക്കുന്ന വിലക്കാണ് കുവൈത്ത് മന്ത്രിസഭ നീക്കുന്നത്. ഇന്ത്യയില് വിതരണം ചെയ്യുന്ന ആസ്ട്രാസെനക വാക്സിന് കുവൈത്ത് അംഗീകാരം നല്കിയിട്ടുണ്ട്. എന്നാല് കൊവാക്സിന് അംഗീകാരം നല്കിയിട്ടില്ല.
