ഇസ്രായേൽ- പലസ്തീൻ സംഘർഷത്തിൽ ഇസ്രായേലിൽ റോക്കറ്റ് ആക്രമണത്തിൽ കൊല്ലപ്പെട്ട ഇടുക്കി കീരിത്തോട് സ്വദേശിനി സൗമ്യ സന്തോഷിന്റെ മൃതദേഹം ചൊവ്വാഴ്ച നാട്ടിൽ എത്തിക്കും.
മൃതദേഹം ഇന്ത്യന് എംബസി ഏറ്റുവാങ്ങി.
തിങ്കളാഴ്ച ഇസ്രായേലിലേക്ക് പോകുന്ന ചാർട്ടേഡ് വിമാനം ചൊവ്വാഴ്ച തിരികെ വരുമ്പോൾ മൃതദേഹം നാട്ടിലെത്തിക്കുമെന്ന് ആണ് കരുതുന്നത്. കെയർടേക്കറായി ജോലി നോക്കിയിരുന്ന സൗമ്യ കീരിത്തോട്ടിലുള്ള ഭർത്താവ് സന്തോഷുമായി ഫോണിൽ സംസാരിച്ചുകൊണ്ടിരിക്കവേ അഷ്ക്കലോൺ നഗരത്തിലെ ഇവരുടെ താമസസ്ഥലത്ത് റോക്കറ്റ് പതിക്കുകയായിരുന്നു.ത്.
ഇസ്രയേലിലെ ഇന്ത്യക്കാര് സുരക്ഷിത കേന്ദ്രങ്ങളില് കഴിയണമെന്ന് ഇന്ത്യന് എംബസി ജാഗ്രതാനിര്ദേശം പുറപ്പെടുവിച്ചു. അവശ്യഘട്ടത്തില് എംബസി ഉദ്യോഗസ്ഥരെ ബന്ധപ്പെടണം. അനാവശ്യയാത്രകള് ഒഴിവാക്കണമെന്നും മലയാളം അടക്കം നാലുഭാഷകളിലുള്ള നിർദേശത്തിൽ പറയുന്നു.