ഒടിടി പ്ളാ‌റ്റ്‌ഫോമുകളിൽ പല പരിപാടികളിലും ലൈംഗികപരമായ ഉള‌ളടക്കമുണ്ടെന്ന് സുപ്രീംകോടതിയുടെ പരാമർശം. താണ്ഡവ് വെബ് സീരീസുമായി ബന്ധപ്പെട്ട ഹർജി പരിഗണിക്കുമ്പോഴാണ് ജസ്‌റ്റിസ് അശോക് ഭൂഷണ്‍-ന്റെ ബെഞ്ച്‌ ഇങ്ങനെ പറഞ്ഞത് . ഇത്തരം ഉള‌ളടക്കങ്ങൾ പരിശോധിക്കാൻ ഒരു സ്‌ക്രീനിംഗ് സമിതി ആവശ്യമാണെന്നും സുപ്രീംകോടതി ചൂണ്ടിക്കാട്ടി. ‘താണ്ഡവ്’ വെബ് സീരീസുമായി ബന്ധപ്പെട്ട് ആമസോൺ പ്രൈം വീഡിയോ ഹെഡ് അപർണ പുരോഹിതിന് അലഹാബാദ് ഹൈക്കോടതി ജാമ്യം നിഷേധിച്ചിരുന്നു. ഇതിനെതിരെ അപർണ നൽകിയ ഹർജി പരിഗണിക്കുമ്പോഴാണ് സുപ്രീംകോടതി പരാമർശം.