ഡെല്‍ഹി മുഖ്യമന്ത്രി അരവിന്ദ് കേജരിവാൾ വീട്ടുതടങ്കലിൽ എന്ന് ആം ആദ്മി പാര്‍ടി ആരോപിച്ചു. കർഷകപ്രക്ഷോഭത്തിന് ഐക്യദാർഢ്യം അറിയിച്ചു പ്രക്ഷോഭകരുമായി കൂടിക്കാഴ്ച നടത്തിയതിനു തൊട്ടുപിന്നാലെയാണു ഡൽഹി പോലീസ് കേജരിവാളിനെ അനധികൃത തടവിലാക്കുന്നത്. ഡെല്‍ഹി സംസ്ഥാനത്തെ ആഭ്യന്തരവകുപ്പ് സംസ്ഥാനഭരണത്തിനു കീഴിലല്ല. അത് കേന്ദ്രസര്‍ക്കാരിന്റെ നേരിട്ടുള്ള നിയന്ത്രണത്തിലാണ്.
ആം ആദ്മി പാർട്ടിയുടെ ഔദ്യോഗിക ട്വിറ്ററിലൂടെയാണ് അരവിന്ദ് കേജരിവാൾ വീട്ടുതടങ്കലിലായ കാര്യമറിയിച്ചത്.
വീട്ടിനകത്തുള്ള ആരെയും പുറത്തേക്കോ പുറത്തുനിന്നുള്ളവരെ വീട്ടിനകത്തേക്കോ കയറാൻ അനുവദിക്കുന്നില്ലെന്നും ആം ആദ്മി പാർട്ടി ആരോപിച്ചു.
കേന്ദ്ര സർക്കാർ പ്രതികരിച്ചിട്ടില്ല
