കേരള വികസനത്തെ തകര്‍ക്കാന്‍ കേന്ദ്ര ഏജന്‍സികളെ ഉപയോഗിക്കുകയാണെന്നും സി.എ.ജി. വികസനം തകര്‍ക്കാനുള്ള കോടാലിക്കൈ ആയിരിക്കയാണെന്നും സി.പി.എം. ആക്ടിങ് സെക്രട്ടറി എ.വിജയരാഘവന്‍. ഇടതുമുന്നണി തിങ്കളാഴ്ച സംസ്ഥാനവ്യാപകമായി സംഘടിപ്പിച്ച പ്രതിഷേധസംഗമത്തിന്റെ ഉല്‍ഘാടനം തിരുവനന്തപുരത്ത് നിര്‍വ്വഹിക്കുകയായിരുന്നു വിജയരാഘവന്‍. വികസനനേട്ടങ്ങള്‍ സംരക്ഷിക്കാന്‍ കേരളത്തിലുടനീളം സംഘടിപ്പിച്ച ജനകീയ പ്രതിരോധത്തില്‍ 25 ലക്ഷം ജനങ്ങള്‍ പങ്കെടുത്തതായി ഇടതുമുന്നണി കേന്ദ്രങ്ങള്‍ പറഞ്ഞു. കാല്‍ലക്ഷം ബൂത്തു കേന്ദ്രങ്ങളില്‍ പ്രതിരോധ സദസ്സ് നടത്തി.
കുത്തകകളുടെ വക്കാലത്തുമായി കേന്ദ്ര ഏജന്‍സികള്‍ കേരളത്തില്‍ വന്നാല്‍ അനുവദിക്കില്ലെന്ന് തിങ്കളാഴ്ച പത്രസമ്മേളനത്തില്‍ മുഖ്യമന്ത്രി പിണറായി വിജയന്‍ പ്രസ്താവിച്ചു. കെ.ഫോണ്‍ പദ്ധതി കേരളത്തിലെ യുവാക്കളുടെ പ്രതീക്ഷയാണ്. പൊതുമേഖലാ കമ്പനിയായ ഭെല്‍ ആണിത് നടപ്പാക്കുന്നത്. ഇത് തകര്‍ക്കാന്‍ കുത്തക കമ്പനികള്‍ ശ്രമിക്കുകയാണ്. അത് മനസ്സില്‍ വെച്ച് ആരും ഇങ്ങോട്ടു വരേണ്ടതില്ലെന്ന് പിണറായി വിജയന്‍ മുന്നറിയിപ്പു നല്‍കി.

Related Articles:

കേന്ദ്ര വിഹിതങ്ങൾ കിട്ടിയതിനുശേഷം കേരളം പദ്ധതികളുടെ പേര് മാറ്റുന്നു,…

മന്ത്രിമാരുടെ "മാറ്റ"വും വാര്‍ത്താ ചാനലുകളുടെ ദയനീയതയും…